Баш ҡаланың Мәжит Ғафури исемендәге мәҙәниәт һәм ял паркында боҙ ҡаласығы асылды. Майҙансыҡҡа тәүгеләрҙән булып спорт мәктәбе тәрбиәләнеүселәре килде. Бында конькиҙан тыш, тюбингта шыуыу ҙа ойошторолған.

Шулай ҙа яңыртылған тюбинг майҙансығы әлегә тулыһынса әҙер түгел. Ошо көндәрҙә бында һыу һибеләсәк. Әйткәндәй, алдағы ял көндәрендә һырғалаҡтар Яҡутов паркында, «Нур» театры эргәһендә, Салауат Юлаев исемендәге спорт-һауыҡтырыу комплексында, «Нефтселәр», «Динамо» стадиондарында, «Аҡбуҙат» ипподромында һәм башҡа урындарҙа асыласаҡ.