4 март Израиль делегацияһының Рәсәйгә эш сәфәре барышында БР-ҙың Мәҙәниәт министрының 1-се урынбаҫары В.В.Латыпова Израилдең Рәсәйҙәге тулы хоҡуҡлы вәкиле Ольга Слов һәм мәҙәниәт буйынса вәкил Яффа Оливицки менән осрашты. Осрашыуҙа шулай уҡ РФ Сит ил эштәр министрлығының Өфөләге вәкиле Д.Р.Нәсибуллин, «Кохав» йәмәғәт ойошмаһының председателе Ш.Н.Кац, профессиональ сәнғәт, белем ижади проекттар бүлеге мөдире А.Ф.Ҡолһарина, мәҙәни ял эшмәкәрлеге, мәҙәни һәм территориаль ара бәйләнеш бүлеге етәксеһеА.Р.Сирғалина, Халыҡтар дуҫлығы йорто белгесе Г.А.Фәйрүзова ҡатнашты.

Эшлекле һөйләшеү барышында мәҙәниәт үҫтереү буйынса тәжрибә менән уртаҡлаштылар, бергә эшләргә килешелде. Ҡунаҡтар йәһүдтәрҙең Өфөләге дини ойошмаһында булдылар. 

5 март делегация БР Хөкүмәт Премьер-министрының беренсе урынбаҫары Р.С.Ноғоманов менән осраша. Шулайуҡ Башҡорт дәүләт опера һәм балет театрының баш балетмейстры Л.С.Ҡыуатова менән ижади проекттар хаҡында фекер алышасаҡтар.

Ләйлә Ишморатова, БР Мәҙәниәт министрлығының мәғлүмәт хеҙмәткәре