11 апрель Республика йортонда Башҡортостан Президенты Р.З.Хәмитов РФ-ның ЮНЕСКО эштәре буйынса комиссияның яуаплы секретары Григорий Орджоникидзе менән осрашты. Унда БР Хөкүмәтенең Премьер-министр урынбаҫары Л.С. Ғүмәрова һәм БР Мәҙәниәт министры Ә.И.Шафиҡова ла ҡатнашты. Осрашыу барышында Башҡортостан менән ЮНЕСКО-ның уртаҡ проекттарын тормошҡа ашырыу планы буйынса коммюникеға ҡул ҡуйылды. Документ буйынса, ЮНЕСКО-ның Башҡортостанда архитектура һәм ҡала төҙөлөшө ҡомартҡыларын һаҡлау буйынса төбәк бүлексәһе барлыҡҡа киләсәк. Шулай уҡ эшлекле һөйләшеүҙә Парижда ЮНЕСКО-ның штаб-квартираһында ағымдағы йылдың октябрендә уҙасаҡ Башҡортостандың презентацияһы мәсьәләләре ҡаралды. Шүлгәнташ мәмерйәһен мәҙәни мираҫ исемлегенә индереү һәм «Башҡорт Уралы»н төҙөү хаҡында ла һөйләшелде.