БР Милли музейында бик ҡыҙыҡлы күргәҙмә бара. Музей билдәле шоколатье Nikolya ойошторған “Nikolya шоколад музейы”, тип аталған күргәҙмәгә саҡыра. Уны авторы-Николай Попов, Ҡырым республикаһы кешеһе. Ошо яҡта музыка мәктәбен тамамлаған һәм йәмғиәт туҡланыуы буйынса училище, техникум һәм ЮУЙ тамамлаған, бер нисә йыл рәттән Ҡырымдың иң яҡшы шеф-ашнаҡсыһы, тип танылған. “Nikolya шоколад музейы”нан күргәҙмәгә алып киленгән экспозицияла юғары сортлы шоколадтан эшләнгән 200 ашыу экспонатты-картиналар, шоколад багеттар, төрлө фигураларҙы күрергә мөмкин. Улар араһында шоколадтан эшләнгән Мономах башлығы, Эйфел ҡолғаһы, 40 кг тәшкил иткән рояль һәм хатта махсус Башҡортостан һәм Өфөгә арналған фигуралар бар. Әйткәндәй, уларҙы ашарға ла ярай.