Бөгөн, 15 октябрҙә Башҡортостандың Милли музейында үҙенсәлекле сара ойошторола. Музей, Әҙәбиәт йылы уңайы менән булдырылған Әҙәби ҡунаҡханаға, йылы мөхиттә аралашыу сараһына саҡыра. Ғәҙәттә, был сарала республикабыҙҙың танылған әҙиптәре-яҙыусылар, шағирҙар, журналистар ҡатнаша. Бгөнгө шиғриәт кисәһенең төп ҡунағы — шағир, яҙыусы, драматург, «Истоки» гәзитенең баш мөхәррире Айҙар Хөсәйенов. Әҙәби ҡунаҡханаға килгән һәр кем, бер юлы Милли музейҙың 35 залын ҡарап сыға ала. Сараға киске 17.00 сәғәткә рәхим итегеҙ.