БР Милли музейында «1812 йылғы Ватан һуғышында ҡатнашыусы башҡорт яугирҙарының шәжәрәләре» күргәҙмәһе дауам итә.

БР Милли музей директоры Ғәли Фәйзрахман улы Вәлиуллин сараны асыу тантанаһында, күргәҙмәнең музей тарихында беренсе тапҡыр үтеүен һәм бик үҙенсәлекле икәнлеген әйтеп үтте.

Экспозиция 1812 йылғы Ватан һуғышына 200 йыл тулыуға арнала. XIX быуат башында башҡорт яугирҙары даны бөтә Европаға тарала, француздар уларҙы «Төньяҡ амурҙары» тип атай. Ватан һуғышында ҡатнашҡан башҡорт яугирҙары Парижға барып етә.

Күргәҙмәлә Бүздәк, Краснокама, Иглин, Ҡырмыҫҡалы, Ишембай, Көйөргәҙе, Әбйәлил, Дәүләкән, Балаҡатай, Асҡын, Белорет, Ҡариҙел райондары, Салауат һәм Стәрлетамаҡ ҡалалары яугирҙарының 15 шәжәрәһе тәҡдим ителә. Уларҙың күпселеге яугирҙарҙың туғандары менән төҙөлгән, ике шәжәрә Салауат ҡалаһы һәм Асҡын ауылы музейҙарында һаҡлана. Шулай уҡ шәжәрә төҙөүҙә Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институты ғалимдары ла ҡатнашҡан.

БР Милли музей директоры Ғәли Фәйзрахман улы Вәлиуллин сараны асып, күргәҙмәнең музей тарихында беренсе тапҡыр үтеүен һәм бик үҙенсәлекле икәнлеген әйтеп үтте.

Күргәҙмә 30 майға тиклем эшләйәсәк.