19 ғинурҙа, Өфөнөң «Нефтсе» мәҙәниәт һарайында Башҡортостан Республикаһының Милли симфоник оркестры концерты үтте. Республикабызҙың баш оркестры музыка һөйөүселәргә джаз һәм популяр симфоник көйҙәр башҡарҙы. Программаға Шопен, Понкьелли, де Фалья, Чайковский, Гершвиндың билдәле әҫәрҙәре һәм проекттың авторы А. Хәсәншиндың «Донъя иртәһе» поэмаһы индерелгән ине. Симфоник музыка, уның стиле милләткә ҡарамай. Симфоник оркестр концерты һәр кеше өсөн аңлашыла торған музыка түгел, ләкин залда бер буш урын да юҡ ине. Тамашасыларҙың тын да алмай музыка тыңлауы симфоник оркестрҙың етди рәүештә үҫешен күрһәтте. Концертта шулай уҡ билдәле йырсылар Алина Гузаирова, Галина Чеплакова менән берлектә Өфө дәүләт сәнғәт академияһы студенттары ла ҡатнашты. Альбина Валееваның ҡыл-ҡумыҙҙа уйнауы тамашасылар күңеленә хуш килде.  

«Башҡортостандың мәҙәни донъяһы» порталы