Бөйөк Еңеүҙең 67 йыллығы уңайынан республика Президенты 2012 йылда Еңеү көнөн байрам итеү тураһындағы күрһәтмәгә ҡул ҡуйҙы.

Документҡа ярашлы, 4 майҙа Өфөләге Конгресс-Холда байрам концерты һәм Бөйөк Ватан һуғышы ветерандарын тантаналы ҡабул итеү ойоштороласаҡ. 9 майҙа Өфөлә Еңеү паркындағы Мәңгелек утҡа, Советтар Союзы Геройҙары Александр Матросов менән Миңлеғәли Ғөбәйҙуллинға, ике тапҡыр Советтар Союзы Геройы Муса Гәрәевтың ҡәберенә сәскәләр һалынасаҡ. Тантаналы саралар район һәм ҡалаларҙа ла үтәсәк.