Улар баш ҡалала 8 һәм 9 майҙа үтәсәк сараларҙа - тантаналы ултырышта, Еңеү паркындағы байрамда ҡатнашасаҡ. Һәр ветеранға оҙатып йөрөтөүсе беркетелә, транспорт,табиптар ҙа буласаҡ. 

Рәсәй президенты указына ярашлы, илдең барлыҡ төбәктәрендә лә 3 майҙан 12-һенә тиклем һуғыш ветерандары, уларҙы оҙатып йөрөүселәр транспортта бушлай йөрөйәсәк. Башҡортостанда транспорт менән тәьмин итеү Башавтотранс предприятиеһына йөкмәтелгән. Бының өсөн сығымдар республика ҡаҙнаһынан бүленә.