Кисә, 5 сентябрҙә бер төркөм яҙыусылар Дүртөйлө районындағы Башҡортостандың халыҡ шағиры, Салауат Юлаев исемендәге дәүләт премияһы лауреаты Назар Нәжми тыуған Миңеште ауылында булып, уның хәтер кисәһен үткәреп ҡайтты. 

Хәтер кисәһенә шағирҙың ижадын хөрмәт итеүсе бик күп ҡәләмдәштәре килгәйне. Улар һәр береһе Назар Нәжми тураһында иҫтәлектәре менән уртаҡлашып, уға арнап яҙған шиғырҙарын һөйләп ишеттерҙе.

Райондаштары йыл да уның мәңгелек донъяға күскән көнөн шиғриәтенә бағышланған саралар менән билдәләй. Ҡалала һәм районда уның исемендәге мәктәптәр ҙә, урамдар ҙа арта бара.