Ә.-З.Вәлиди исемендәге Милли китапхана филиалы Балалар уҡыуҙары үҙәгендә Башҡортостандың халыҡ шағиры, С.Юлаев исемендәге Дәүләт премияһы лауреаты Ҡәҙим Аралбаев менән «Тыуған илгә һөйөү менән» тип аталған осрашыу үтте. Матур сарала Өфө ҡалаһының 49 һанлы мәктәбенең 3Г синыфы уҡыусылары, «Йәншишмә» гәзите журналисы Зөһрә Ҡотлогилдина ҡатнашты. Үҙәк хеҙмәткәре Галина Ләйсән Фәрвәт ҡыҙы шағирҙың тормош һәм ижад юлына ҡыҫҡаса байҡау яһаны, ҡыҙыҡлы һорауҙар бирелде. Уҡыусылар айырыусы «Тау эйәһе» әкиәте буйынса йәнле фекер алышыу үткәрҙе. Был әкиәт Ләйсән Фәрвәт ҡыҙы әйтеүенсә иң уҡымлы әҫәр. Ҡәҙим Әбделғәлим улы уның яҙылыу тарихы менән дә таныштырҙы: «Бөрйән районы Байназар ауылында йәшәгән ваҡытта ерле халыҡтан легендалар, риүәйәттәр яҙып алдым, шулай итеп яҙыласаҡ әҫәргә материал тупланым». Был әкиәт нигеҙендә Өфө ҡалаһының 95 һанлы мәктәбе уҡыусылары һүрәттәр ҙә төшөргән. Әкиәттең дауамы яҙыласаҡ тигән яңылыҡты уҡыусылар шатланып ҡабул итте. Кисә лә шағир, уҡыусылар башҡарыуында шиғырҙар яңғыраны. Әҙәби кисә иҫтәлеккә фотоға төшөү, автографтар биреү менән тамамланды.