27 март бөтә донъяла театр көнө билдәләнә. Был көн «Театр – үҙ-ара килешеү һәм халыҡтар араһындағы дуҫлыҡты нығытыу сараһы» тигән девиз аҫтында үтә. Театр көнө 1961 йылдан билдәләнә.

Ошо матур дата айҡанлы, республикабыҙҙың бөтә театр хеҙмәткәрҙәрен ҡайнар ҡотлайбыҙ! Ысынлап та, сәнғәтте театрһыҙ күҙ алдына ла килтереп булмай. Илатҡан да, йыуатҡан да, моңайтҡан да, көлдөргән дә – мөғжизәле театр. Күңелдәрҙе сафландырыусы, йәшәүгә көс-дәрт, илһам биреүсе донъя ул! 

Хәрмәтле режиссерҙарыбыҙ, яратҡан артистарыбыҙ, театр хеҙмәткәрҙәре! Профессиональ байрамығыҙ мөбәрәк булһын! Илһам шишмәләрегеҙ һайыҡмаһын, ижад ҡомарығыҙ һүнмәһен, башланғыстарығыҙ уңышлы булһын, тамашасы алҡыштары тынмаһын!