19–28 март республикала Бөтә Рәсәй йәш музыканттарының конкурсы уҙасаҡ. Был конкурс 20 йылға яҡын үткәрелә. Ижади ярыш талантлы балаларҙы табыу, уларҙың башҡарыу оҫталығын арттырыу, тәжрибә уртаҡлашыу, киләсәккә кадрҙар әҙерләү кеүек маҡсаттар ҡуя.

Конкурс тыңлауҙары республика ҡалаларында 6 йүнәлеш буйынса үтә:

– Фортепиано. 19–22 март, 1-се һанлы Балалар музыка мәктәбе (Күмертау).

– Халыҡ ҡоралдары. 20–22 март, Октябрьск музыка колледжы базаһы.

– Башҡорт халыҡ ҡоралдары. 20–22 март, Салауат музыка колледжы базаһы.

– Ҡыллы ҡоралдар. 25–28 март, 8-се һанлы Балалар музыка мәктәбе (Өфө).

– Тынлы һәм һуҡма ҡоралдар. 25–28 март Урта махсус музыка колледжы базаһы (Өфө).

– Яңғыҙ йырлау. 25–28 март, Өфө сәнғәт училищеһы базаһы.

Сәнғәт мәктәптәре, колледждарында үткән һайлап алыу турында 1300 уҡыусы ҡатнашты. Финалда 600 яҡын конкурсант ҡатнашасаҡ, Рәсәйҙең башҡа төбәктәренән дә ҡунаҡтар көтөлә.

Жюри составында республиканың билдәле сәнғәт эшмәкәрҙәре.

Сығанаҡ: БР Мәҙәниәт министрлығының мәғлүмәт хеҙмәте