Республика һәм баш ҡалабыҙҙа мәҙәни зауыҡты төрлө яҡлап тәрбиәләрҙәй мәҙәниәт усаҡтары эшләй, ҡыҙыҡлы саралар, үҙенсәлекле тамашалар үткәрелә. Ә бер төрлө тамашаларҙан ялҡҡан «Башҡортостандың мәҙәни донъяһы» порталы ҡулланыусыларын мөғжизәле цирк донъяһына саҡырабыҙ. "1 май" мәҙәниәт һәм ял паркында туҡталған "Көмөш йондоҙ" күсмә цирк- шапитоһы цирк яратыусыларҙы көтә. Ҡулға өйрәтелгән хайуандар, һығылма акробаттар, күңелле клоундар оҡшамай ҡалмаҫ. Тамаша көндөҙгө биштә башлана.