Жанры – төрлө йүнәлештәге электрон музыка. Йырҙар башҡорт йәки татар телдәрендә башҡарылырға тейеш, шулай уҡ рус һәм инглиз телдәрендә лә мөмкин.

Йәш башҡарыусыға оҙайлы килешеү тәҡдим ителәсәк: йырҙар яҙҙырыу, клиптар төшөрөү, уларҙы радио-телевидениела яңғыратыу, концерт-фестивалдәрҙә, конкурстарҙа ҡатнашыу.

– Беҙ үҙенсәлекле тауышлы йырсыны – егетте йәки ҡыҙҙы эҙләйбеҙ. Ҡыҙҙарҙың йәше – 16-нан 25-кә, егеттәрҙеке 16-нан 28-гә тиклем булырға тейеш. Уларҙың профессионал булыуҙары мотлаҡ түгел. Беҙ 40-тан ашыу хат алдыҡ, ҡыҙғанысҡа, әлегә берәүҙе лә тапманыҡ, – тип хәбәр итте кастингты ойоштороусы DJ Khan.

Октябрҙә DarMan проектының 5 йыллығына арналған сарала өсөнсө альбомдың исем туйын үткәреү һәм республика, Рәсәй төбәктәре буйлап гастролгә сығыу планлаштырыла. Шунда уҡ проекттың йырсылары менән таныштырыу күҙ уңында тотола.

Теләүселәр фотоларын, видео, аудиояҙмаларын һәм үҙҙәрен ҡыҙыҡһындырған һорауҙарҙы Этот адрес электронной почты защищён от спам-ботов. У вас должен быть включен JavaScript для просмотра. электрон почтаһына ебәрә ала. Проекттың «Бәйләнештә» социаль селтәрендә төркөмө лә бар.