27 февраль Стәрлетамаҡ ҡалаһының 1-се һанлы музыкаль мәктәптең концерт залында һәм 28 февраль Өфөнөң «Нефтселәр» мәҙәниәт һарайында Волга буйы федераль округында эшләп килгән социаль уҡытыу проекты – билдәле рәсәй эстрада йырсыһы, композитор, пианист, РФ-ның халыҡ артисы Дмитрий Маликов музыка һәм сәнғәт мәктәптәре уҡыусылары өсөн мастер-класс үткәрҙе. Уның маҡсаты – балаларҙа музыка мәктәптәрендә классик инструменттарҙа шөғөлләнеүгә ҡыҙыҡһыныу уятыу. Дмитрий Юрьевич 35 ҡалала мастер-класс үткәрергә планлаштыра, әле 15 ҡалала булған.
«Музыка дәрестәре» – үҙе бер сағыу тамаша, унда классик музыка ла, эстрада йырҙары ла яңғырай, үҙенсәлекле анимацион фильм да күрһәтелә, ижади мөхиттә аралашыу ҙа йыр-моң менән үрелеп бара. Ҡатнашыусылар йырсы башҡарыуында йырҙар тыңлап та кинәнде.
БР Мәҙәниәт министры Әминә Шафиҡова Дмитрий Маликовҡа тәрбиәүи проект өсөн рәхмәт әйтте һәм милли брендтар – ҡурай менән бал бүләк итте. Артист үҙ сиратында Урта махсус музыкаль колледжға тауыш яҙҙырыу студияһына сертификат тапшырҙы. Автор: Ләйлә Ишморатова, БР Мәҙәниәт министрлығының мәғлүмәт хеҙмәткәре