Нефтекама ҡалаһында 12 миллионға балалар өсөн тәғәйенләнгән уйын паркы төҙөләсәк. Ҡала бер нисә йыл рәттән бөтә донъяға билдәле топ-модель Наталья Водянова етәкләгән «Обнаженные сердца» мәрхәмәтлек фондына ғариза ебәргән ине. Ниһәйәт, хыялдар тормошҡа аша. Әйтергә кәрәк, бындай парк Рәсәйҙең бары тик 3 ҡалаһында ғына төҙөләсәк.

Уйын паркы ҙур ғына территорияны биләйәсәк. Унда сабыйҙар өсөн, 6 йәштән 12 йәшкәсә һәм мөмкинселектәре сикләнгән балалар өсөн уйын зоналары булдырыласаҡ. Иң ҡыуаныслыһы – унда бушлай ял итергә була.