Финал Мысырҙа апрель айында үтә. «Топ-модель» исеменә донъяның төрлө илдәренән 50 конкурсант дәғүә итә. Хәтерегеҙгә төшөрәбеҙ, башҡорт һылыуы быға тиклем дә республика, Рәсәй, донъя кимәлендә үткән конкурстарҙа ҡатнашҡаны бар.

Башҡорт, урыҫ, инглиз телендәге йырҙарҙы ла берҙәй яҡшы башҡара. Ә инде модель карьераһына Анжелика Якусева ныҡлап 2007 йылда тотона. Республика кимәлендә үткән матурлыҡ конкурстарында әүҙем ҡатнаша. 2009-сы йылда «Һылыуҡай» республика гүзәллек бәйгеһендә өсөнсө урын яулай. 2011-ҙә мәҫәлән, «Топ-модель по-русски» телевизон шоуында сығыш яһап ул дефиле һәм актерлыҡ оҫталығы буйынса ике приз яулай. Сираттағы конкурс маҡсаттарға юл асты, ти яҡташыбыҙ.

Донъя топ-моделе конкурсына әҙерлек әле үк башланған. Махсус күлдәктәр тектертеү, фитнес, диета. Әйткәндәй, Анжеликаны күптәр тотош донъяға билдәле топ-модель, яҡташыбыҙ Ирина Шейк, йәғни Ирина Шәйхисламоваға ла оҡшата.

Анжелика йырсы булараҡ та, шулай уҡ күптән түгел республиканың төп телеканалында эфирға сыҡҡан «Һөйөү һәм йондоҙҙар» фильмы актрисаһы итеп тә танытты.