«Дуҫлыҡ Моңо-2013» конкурсы быйыл Нефтекама ҡала мәҙәниәт үҙәге һарайында үтәсәк. Был турала беҙгә уның директоры Динеева Файруза Тагирьян ҡыҙы хәбәр итте.
Әлеге көндә конкурста ҡатнашырға теләк белдереүселәрҙән ғаризалар ҡабул ителә. Конкурсҡа Башҡортостандың район-ҡалаларынан, Татарстан, Удмурт Республикаларынан, Һамар, Төмән, Ырымбур, Силәбе өлкәләренән, Пермь крайынан үҙешмәкәр йырсылар килеүе көтөлә, тине Фәйрүзә Тагирьяновна. Иҫкәртәбеҙ, конкурста 16 йәштән 35 йәшкә тиклемге үҙешмәкәр башҡарыусылар һәм музыка училищеларының беренсе, икенсе курс студенттары ҡатнаша ала. Ғаризалар һәм фонограммалар 20 мартҡа тиклем ҡабул ителә. Конкурста еңеп сығыусыға (Гран-при яулаусы) еңел автомобиль тапшырыласаҡ. «Башҡортостандың мәҙәни донъяһы» порталы