«Дуҫлыҡ сәскәһе» балалар милли мәҙәниәттәр фестивале Өфөлә гала-концерт менән тамамланды. «Дуҫлыҡ сәскәһе» программаһы сиктәрендә биҙәү-ҡулланма сәнғәте конкурсы үтте. Мәктәп уҡыусыларының иң яҡшы эштәре күргәҙмәге әлеге ваҡытта Ҡала мәҙәниәт һарайында эшләй.

Фестиваль ике этапта үткәрелде. Тәүгеһендә район һәм ҡалаларҙа һайлап алыу турҙары ойошторолдо. Икенсе турҙа иң яҡшы коллективтар һәм башҡарыусылар билдәләнде. Уларҙың номерҙары гала-концерт программаһына индерелде.

Фестивалдең абруйы йылдан-йыл арта бара. Яңынан-яңы коллективтар «Дуҫлыҡ гөлләмәһе»нең сағыу биҙәктәренә әйләнә.

Ҡала мәҙәниәт һарайында Имен бала саҡ һәм ғаилә ҡиммәттәрен нығытыу йылына арналған «Дуҫлыҡ гөлләмәһе» тип исемләнгән балалар ижады фестивале тамашасыларҙа ла, балаларҙа ла тик яҡшы тәьҫораттар ғына ҡалдырҙы. Йәш сәхнә йондоҙҙары киләһе йылда ла сағыу сығыштар менән шатландырырға һүҙ биреп таралышты.