Күгәрсен районының Ерекле ауылы халҡы ошо көндәрҙә оло шатлыҡ кисерҙе – ауылда реконструкциянан һуң мәҙәниәт усағы үҙ ишектәрен асты. Ауыл халҡының ҡыуанысын уртаҡлашырға Күгәрсен районы хакимиәте башлығы Фәрит Мусин да килгән. Ул мәҙәниәт усағының ауыл өсөн мөһим урын алыуын билдәләне һәм мәҙәниәт булғас, ауылдың киләсәге бар, тип үҙенең сығышын тамамланы.

Заманса итеп йыһазландырылған, уңайлы, яҡты клубтан халыҡ бик ҡәнәғәт ҡалды. Тантана райондың мәҙәниәт һарайы хеҙмәткәрҙәре һәм ауылдың һәүәҫкәр артистары, балалар ҡатнашлығындағы концерт менән тамамланды.