Өфөнөң Еңеү паркында Бөйөк Ватан һуғышының 70 йыллығына арналған «Еңеү» Республика марафонына старт бирелде. 

Сараны БР Мәҙәниәт министрлығы, БР Һуғыш, тыл, хеҙмәт, хәрби көстәр һәм хоҡуҡ һаҡлау органдарының ветерандар советы, Республика халыҡ ижады үҙәге, Хәрби дан музейы һәм республиканың хакимиәттәре ойоштора.
Марафонды асыу тантанаһында Мәңгелек уттан капсуланы тоҡандырғандан һуң, уны иң беренсе булып Яңауыл районы ҡабул итте.
Акция ағымдағы йылдың февраленән май айына тиклем уҙасаҡ, унда республиканың бөтә райондары йәлеп ителәсәк. Марафон сиктәрендә «Еңеү салюты» Республика халыҡ ижады конкурсы үтәсәк. Сара БР тынлы оркестрының парад-маршы һәм «Еңеү салюты» конкурсы лауреаттарының сығышы менән тамамланасаҡ.