24 май Екатеринбург ҡалаһында башҡорт шиғриәте көнө үтәсәк. Уны Свердловск өлкәһенең башҡорт үҙәге һәм Башҡорт йәштәре союзы ойоштора. Кисә Рәсәйҙә иғлан ителгән Әҙәбиәт йылы айҡанлы уҙа.

Шиғриәт кисәһендә һәр кем үҙе яратҡан шиғырҙарҙы уҡып ишеттерә ала, башҡорт әҙәбиәтенә арналған күргәҙмә эшләйәсәк, башҡорт шағирҙары һәм яҙыусылары хаҡында документаль фильм күрһәтеләсәк.