25 июнь Екатеринбург ҡалаһының Кино йортонда башҡорт киноһы фестивале уҙа. Уны БР Мәҙәниәт министрлығы, «Башҡортостан» киностудияһы, Башҡортостан Республикаһының төбәктәге вәкиллеге ойоштора. Республиканың кино сәнғәте менән таныштырыу, төбәк-ара бәйләнештәрҙе нығытыу кеүек изге маҡсаттар ҡуя был мәҙәни сара.

Фестивалдең программаһында һуңғы йылдарҙа төшөрөлгән иң яҡшы ҡыҫҡа метражлы һәм анимацион фильмдар. Унда түбәндәге картиналар ҡатнашасаҡ: 

ҡыҫҡа метражлы нәфис фильмдар араһында - «Карусель» (сценарий авторы Зөһрә Бураҡаева, режиссеры Роман Пожидаев), «Мин өйләнәм!» (режиссеры Таңсулпан Бураҡаева), «Еңмеш» (режиссеры Айнур Асҡаров);

анимацион фильмдар араһында - «Ахмаҡ бүре», «Һунарсы улы», «Алдар батыр һәм күк бүре» (режиссеры Рим Шәрәфетдинов).

Фильмдар ике телдә барасаҡ, башҡорт телен белмәүселәр рус субтитрҙары менән ҡараясаҡ.