14 мартта, Башҡортостан Республикаһының Әхмәтзәки Вәлиди исемендәге милли китапханаһында электрон уҡыу залы асылды. Китапхана директоры Азат Әхмәт улы Ибраһимов әйтеүенсә, бүлек бер юлы 20 кешене хеҙмәтләндерә ала. Уҡыусылар хәҙер компьютерҙа үҙ аллы эшләй, мәғлүмәттәрҙе һаҡлай, принтерҙа баҫтыра, консультант ярҙамында үҙен ҡыҙыҡһындырған темаларға белешмәләр йыя ала. Бынан тыш, ҡулланыусыларға Рәсәйҙәге китапханаларҙа һаҡланған һирәк китаптар һәм ҡулъяҙмалар менән танышыу мөмкинлеге бирелә.