Ҡаланың матур бер биҙәге буласаҡ фонтандың үҙәгендә башҡорт халыҡ легендаһына нигеҙләнеп бронзанан эшләнгән скульптура композицияһы урынлашасаҡ. Фонтандың диаметры 18, ете ҡыҙ һынының бейеклеге 2 метр, был композицияның алыҫтан да күренеүенә булышлыҡ итәсәк. Әйткәндәй, ете ҡыҙ һыны Фәйзи Ғәскәров исемендәге Дәүләт академия халыҡ бейеүҙәре ансамбле бейеүселәренә ҡарап эшләнелгән. «Ете ҡыҙ» фонтаны ҡалала иң ҙуры һәм музыкаль буласаҡ.

Үҙенсәлекле фонтанды асыу сараһында Йәштәр симфоник оркестры ла ҡатнанашасаҡ. Заһир Исмәғилев исемендәге Өфө сәнғәт академияһы һәм Өфө сәнғәт училищеһы студенттарынан торған оркестр В. Моцарт, А. Дворжак, Э. Григ, М. Әхмәтов кеүек композиторҙарҙың әҫәрҙәрен уйнаясаҡ.