Өфөлә «Евразия йөрәге» («Сердце Евразии») заманса халыҡ сәнғәте фестивале үтә. Ойоштороусылары: Башҡортостан Республикаһы Мәҙәниәт министрлығы, З. Исмәғилев исемендәге Өфө дәүләт сәнғәт академияһы, Ф. Ғәскәров исемендәге халыҡ бейеүҙәре ансамбле, «Нефтсе» мәҙәниәт һарайы.

Сара мәҙәниәтте һәм сәнғәтте заманса талаптарға яраҡлы рәүештә үҫтереү, милләт-ара мөнәсәбәттәрҙе яйға hалыу, Рәсәй мәҙәниәте, этик тәрбиә, рухи үҫешкә бәйле булған мәсьәләләрҙе өйрәнеү маҡсатында үткәрелә.

Фестивалдең концерт программаһында Рәсәйҙең билдәле бейеү коллективтары : Н.С.Надеждина исемендәге «Березка» дәүләт академия ансамбле, Себерҙең М. Годенко исемендәге Красноярск дәүләт академия бейеү ансамбле, Татарстан Республикаһы дәүләт йыр һәм бейеү ансамбле, «Нальмэс» Адыгея дәүләт академия халыҡ бейеүҙәре ансамбле, «Колокола России» ансамбле, «Урал» дәүләт бейеү ансамбле, Фәйзи Ғәскәров исемендәге дәүләт академия халыҡ бейеүҙәре ансамбле һ.б. ҡатнаша.