Тыуған тупрағыбыҙҙы һаҡлап йәндәрен аямаған яугирҙар, үҙ яртыһына тоғро ҡалып, ғүмер буйы көткән инәй-өләсәйҙәребеҙ хөрмәтенә "Юлдаш" радиоһы күләмле акция иғлан итә. Илебеҙгә еңеү килтергән батырҙарҙың исемен тыуған яҡтарына ҡайтарыу маҡсатында ойошторолған сараға һеҙ ҙә ҡушылығыҙ.

Һеҙҙең ғаиләлә ҡайтмай ҡалған һалдат булһа, беҙгә уның тураһында мәғлүмәттәр яҙып ебәрегеҙ. Радиобыҙ хәбәрселәре уның һуңғы төйәген табыу, тапшырылмай ҡалған наградаларын юллау, яу юлын тергеҙеү эштәрендә ярҙам күрһәтергә әҙер.

Хаттарҙы почта аша һәм ошонда яҙығыҙ: http://uldashfm.ru/guest_book, белешмәләр өсөн телефон 251-74-88. Акция тураһында мәғлүмәттәр «Иртәнге сәфәр» һәм «Аулаҡ» тапшырыуҙарында даими яңғырап торор.

Батыр даны ҡайтһын иленә!