БР Мәҙәниәт министры Ә.И.Шафиҡова указына ярашлы, БР-ҙың халыҡ артисы Филүз Ҡаҙаҡбаев Ф.Ғәскәров исемендәге халыҡ бейеүҙәре академик ансамбленең художество етәксеһе итеп ҡуйылды.

Филүз Хәсән улы Ҡаҙаҡбаев 1971 йылда Ейәнсура районында тыуған. Башҡорт хореография училищеһын, Силәбе дәүләт мәҙәниәт һәм сәнғәт академияһын тамамлаған.

1992–2011 й.й. ошо уҡ ансамблдә эшләй. 2008 йылда Башҡортостандың халыҡ артисы исемен ала. 2011–2012 й.й. Х.Әхмәтов исемендәге Башҡорт дәүләт филармонияһында сәхнәгә ҡуйыусы бүлектең мөдире. Өфө ҡала хакимиәтенең мәҙәниәт буйынса йәмғиәт советы ағзаһы.

Сығанаҡ: Башинформ мәғлүмәт агенствоһы