Ф. Шаляпиндың 140 йыллыҡ юбилейына айҡанлы саралар

Ф. Шаляпиндың 140 йыллыҡ юбилейына айҡанлы саралар
Өфөлә, февраль айында, тантаналы рәүештә, бөйөк рус йырсыһы Ф.И. Шаляпиндың 140 йыллыҡ юбилейы үткәреләсәк. Был тантаналы көндәрҙә Рәсәй өлкәләренән, Мәскәү, Санкт-Петербург ҡалаларынан килгән танылған артистар һәм ҡунаҡтарҙың ҡатнашлығы көтөлә.
Байрамды асыу көнөндә, 13 февралдә, Ф. Шаляпиндың һәйкәленә сәскәләр һалыу, Бранислав Ятичтың «Шаляпин против Эйфелевой башни» тип аталған китаптың презентацияһы һәм З. Исмәғилев исемендәге Өфө дәүләт академияһы студенттарының концерты ҡаралған. Шулай уҡ Башҡорт дәүләт опера һәм балет театрында кинорежиссер Вера Федорченконың Ф. Шаляпинға арналған фильмы күрһәтеләсәк.
Башҡортостандың милли музейында бөйөк рус йырсыһына арналған «Магический кристалл Федора Шаляпина» тип аталған күргәҙмә лә эшләй башлаясаҡ. Был күргәҙмәнең экспонаттары, әлеге көндә А. Бахрушин исмендәге Үҙәк дәүләт театр музейында һаҡлана.
Көтөлгән ҡунаҡтар араһында М. Глинка исемендәге берләштерелгән Рәсәй музыка музейының директоры Михаил Брызгалов, Халыҡ-ара Шаляпин үҙәгенең директоры Юрий Тимофеев, шулай уҡ Халыҡ-ара музыка эшмәкәрҙәренең президенты Владимир Пьявко исемдәре бар. «Башҡортостандың мәҙәни донъяһы» порталы

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb