М.Нестеров исемендәге Башҡортостан дәүләт художество музейында “Фарфорҙың мең йыллыҡ баш ҡалаһы”, тип аталған күргәҙмә асылды. Уны асыуҙа Башҡортостандың Мәҙәниәт министрлығы һәм Ҡытай иленең Цзянси провиницияһы дәүләт департаменты делегацияһы ҡатнашты. Өфө, Мәскәү һәм Пермь ҡалаларынан һуң, был күргәҙмә ойошторолған өсөнсө ҡала. Был Ҡытай иленең Цзянси провинцияһы Цзиндэчжэнь ҡалаһынан килтерелгән, *боронғолоҡтоң хазинаһы*, *аҡ алтын*, тип атап йөрөтөлгән фарфор әйберҙәр-вазалар, һауыт-һаба, статуялар күргәҙмәһе. Күргәҙмәгә ҡуйылған әйберҙәр ҡаланың төрлө оҫтаханаларының иң яҡшы оҫталарының бүләге. Уларҙың һәр береһе донъяла бер бөртөк һәм уларҙы ҡабатлау хоҡуғы юҡ. “Фарфорҙың мең йыллыҡ баш ҡалаһы” күргәҙмәһенә һеҙ ҙә килерһегеҙ, тип ышанабыҙ.