Президент ҡарамағындағы Балалар һәм үҫмерҙәр өсөн әҙәбиәт һәм сәнғәт өлкәһендә Һәҙиә Дәүләтшина исемендәге дәүләт премияһы тапшырыу буйынса комиссия дәғүәселәрҙең исемдәрен иғлан итте.
Улар араһында урта һәм өлкән уҡыусылар өсөн яҙылған «Дүрткүҙ» китабы өсөн Стәрлетамаҡ дәүләт башҡорт драма театры артисы Рауил Ғәлин һәм балалар өсөн тәғәйенләнгән «Һайланма әҫәрҙәр»енең икенсе томы өсөн Сафуан Әлибаев бар. Комиссия йәмәғәт ойошмаларына, хеҙмәт коллективтарына һәм айырым шәхестәргә премияға тәҡдим ителгән эштәр буйынса фекер алышыуҙа ҡатнашырға саҡырып мөрәжәғәт итә. Тәҡдимдәр баҫма матбуғат саралары, радио һәм телевидение тапшырыуҙары аша 2013 йылдың 25 февраленә тиклем ҡабул ителә. Комиссияның адресы: Туҡай урамы, 46, 419 бүлмә,
телефон: 280-80-75. Сығанаҡ: «Ашҡаҙар»