Туймазы ҡалаһында фотограф Руслан Сәмиғуллин менән фоторәссам Илдар Хәйруллин күргәҙмә ойошторҙо. 

Авторҙар ябай ғына әйберҙе лә икенсе күҙлектән сағыу, үҙенсәлекле итеп күрә. Ижадта уларға коллегалары ла ярҙам итә, тәжрибәләре менән уртаҡлаша.

Быға тиклем Туймазыла бындай күргәҙмәләр һирәк ойошторолған. Йәш таланттар ойошторған экспозицияға халыҡ күп йыйылды. Хәҙер иһә һәр кем ижадын башҡаларға күрһәтеү мөмкинлегенә эйә. Сараға килеүселәр күргәҙмәне кәрәкле һәм файҙалы тип тапты.

Күргәҙмәлә студия мөйөшө лә булдырылған ине. Бында һәр кем үҙен модель, фотограф ролендә һынап ҡараны. Залда киләсәктә башҡа таланттарҙың да ҡыҙыҡлы эштәре урын алыр тигән ышаныста хеҙмәткәрҙәр.

Сығанаҡ: Башҡортостан юлдаш телевидениеһы