Ансамблдең матбуғат хеҙмәте хәбәр итеүенсә, йыл һайын кескәйҙәр өсөн Яңы йыл тамашаһы уҙғарыу матур йолаға әйләнгән. Әкиәтте «йәш ғәскәровсылар» - балалар бейеү студияһы тәрбиәләнеүселәре ҡуя. Улар хореография, сағыу костюмдар, музыка ярҙамында мөғжизәле яңы йыл алды атмосфераһын бүләк итәсәк.

Тамаша Зәки Вәлиди, 34 адресы буйынса үтәсәк.

Әлеге көндә Фәйзи Ғәскәров исемендәге ансамблдең ҙур составы ваҡытлыса ялда. Бейеүселәр йылды Конгресс-холл һәм «Химиктар» мәҙәниәт һарайында ойошторолған концерттар менән тамамланы. Ялдан сыҡҡас, коллектив 2015 йылдың март айында уҙасаҡ юбилей тамашаһына әҙерлек башлаясаҡ.