Ансамбль Өфөләге ШОС һәм БРИКС саммиттарының мәҙәни программаһында әүҙем ҡатнашты. Уның һуңында коллективҡа күп һанлы эшлекле тәҡдимдәр яһалған. Матбуғат хеҙмәте хәбәр теүенсә, әлеге көндәрҙә Бразилия менән һөйләшеүҙәр алып барыла. Шулай уҡ, ансамбль директоры Филүс Ҡаҙаҡбаев көҙ, октябрь айының Республика төбәктәре буйлап ҙур гастролдәрҙә үтеүе хаҡында белдерҙе. Ансамбль “Планета ритмдары”, тип аталған программа менән 16 октябрҙә Федоровка районы Федоровка ауылында, 17 октябрҙә Көйөргәҙе районы Ермолаево ауылында, 18 октябрҙә Ырымбур өлкәһе, Түлгән районы Түлгән ауылында, 19 октябрҙә Ейәнсура районы Иҫәнғол ауылында, 20-21 октябрҙә Сибай ҡалаһында, 22 октябрҙә Баймаҡта, 23 октябрҙә Әбйәлил районы Асҡар ауылында сығыш яһаясаҡ. Тулыраҡ мәғлүмәт менән Фәйзи Ғәскәров исемендәге Дәүләт академия халыҡ бейеүҙәре ансамбленең шәхси сайты битендә танышырға мөмкин.