16 һәм 17 май Яңауыл районында Фәтих Иҡсанов призына «Моңға бай гармун байрамы» республика гармун байрамы үтә. Был байрам традицияға әйләнеп, етенсе тапҡыр уҙа. Ул гармун моңон популярлаштырыу, башҡарыусыларҙың оҫталығын арттырыу, ижади бәйләнештәр булдырыу кеүек маҡсаттар ҡуя. Конкурсты БР Мәҙәниәт министрлығы, Республика халыҡ ижады үҙәге һәм Яңауыл район хакимиәте ойоштора.

Жюри составында билдәле музыканттар – БР-ҙың халыҡ артистары Миңнеәхмәт Ғәйнетдинов, Хәлит Фәтихов, РФ-ның атҡаҙанған артисы Владимир Суханов һәм башҡалар. 

Конкурс 2 йәш категорияһында үтәсәк: 16 йәшкә тиклем һәм унан юғары. Ҡатнашыусы 10 минуттан артмаған 2 музыкаль композиция тәҡдим итергә тейеш. Гран-при алыусыға бүләккә 30 мең аҡса ҡаралған. Конкурс билдәле артистар ҡатнашлығында ҙур концерт менән тамамланасаҡ.