18 апрелдә Өфөнөң «Нефтсе» мәҙәниәт һарайында Еңеү көнө алдынан Башҡортостанда үткән — «Георгий таҫмаһы» һәм «1941-1945 иҫләйбеҙ!» акцияларының пресс-конференция үтте.

Акция сиктәрендә 29 апрелдә Өфөнөң «Нефтсе» мәҙәниәт һарайында Александров исемендәге Рәсәй армияһы йыр һәм бейеү ансамбле сығыш яһаясаҡ. «Георгий таҫмаһы» акцияһы республикала 2005 йылдан үткәрелә, ә «1941-1945 иҫләйбеҙ!» акцияһын үткәреү идеяһы «Башҡортостандың мәҙәни донъяһы» интернет-порталы менән тәҡдим ителде, ул республика һәм ҡалаларҙың Һуғыш һәм хеҙмәт ветерандары советтары, шулай уҡ Республика Хәрби Дан музейы менән берлектә үткәрелә. Акция барышында ветерандар һәм мәктәп уҡыусылары Хәрби Дан музейына, шулай уҡ ике тапҡыр Советтар Союзы Геройы Муса Гәрәевтың тыуған яғына барасаҡ.

Ошо уңайҙан үткәрелгән пресс-конференцияла мәҙәниәт һарайының директоры, БР атҡаҙанған мәҙәниәт хеҙмәткәре Алмаз Рәсих улы Сәетов, Йәштәр сәйәсәте һәм спорт министры урынбаҫары Руслан Ринат улы Ғизәтуллин, «Нефтсе» мәҙәниәт һарайы директоры урынбаҫары Юлдаш Зиннур улы Ураҡсин, «Башкортостандың мәҙәни донъяһы» интернет-порталы етәксеһе Хәлил Ғәббәс улы Хәмзин, Республика Хәрби Дан музейы директоры Илшат Ислам улы Үтәев, Өфө ҡалаһының Һуғыш, хеҙмәт, Ҡораллы Көстәр һәм хоҡуҡ һаҡлау органдары ветерандары советы рәйесе Анатолий Ананиевич Анчунов, Республика Хәрби Дан музейы хеҙмәткәре Фәрит Назар улы Вахитов, матбуғат саралары хәбәрселәре ҡатнашты.

Автор: Гөлназ Ишемғужина