23 март Х.Әхмәтов исемендәге Башҡорт дәүләт филармонияһының ҙур залында РСФСР һәм БАССР-ҙың халыҡ артисы Радик Гәрәевҡа арналған кисә үтә. Йырсы опера һәм эстрада сәнғәтен тигеҙ алып барҙы, ә репертуары бик бай һәм үҙенсәлекле: башҡорт халыҡ йырҙары, классик әҫәрҙәр, сит ил йырҙары. Ул башҡарған йырҙар күптән республиканың алтын фондына ингән. Радик Гәрәев республика сәнғәтен үҫтереүгә тос өлөш индерҙе. «Ирина Архипова тәҡдим итә», «Шаляпин кистәре», Р.Нуриев исемендәге балет фестивале кеүек сараларҙы ойоштороусы.

Концертта Иҙрис Ғәзиев, Флүрә Килдейәрова, Нәзифә Ҡадирова, Вәхит Хызыров, Римма Амангилдина, Азамат Тимеров, Йәмил Әбделмәнов, Фларида Иркина, Ғәле Алтынбаев ҡатнаша. Программала Радик Гәрәев репертуарынан йырҙар һәм ариялар.

Режиссеры – Салауат Итбаев.

Филармония кассаһы: 250–77–42