23 ғинуарҙа, Х. Әхмәтов исемендәге Башҡорт дәүләт филармонияһында, Ф. Шаляпиндың иҫтәлегенә арналған «Өс бас» тигән гала-концерт үтәсәк. Был сара «Таланты Мира» фонды ҡатнашлығында ойошторолған. 

Концертта йәш булыуға ҡарамаҫтан, шулай ҙа донъя кимәлендә танылып өлгөргән йырсылар – Рәсәйҙең атҡаҙанған артисы Владимир Огнев, Американың Метрополитен-опера, «Ла Скала» (Италия), «Королевской оперы Ковент-Гарден» (Великобритания) солисы Денис Седов, Мәскәү ҡалаһының «Яңы опера театры» солисы Владимир Кудашев ҡатнашасаҡ. Йырсылар башҡарыуында бөйөк рус йырсыһы Ф. Шаляпиндың репертуарынан алынған романстар, рус һәм сит ил композиторҙарының танылған опера ариялары һәм төрлө илдәрҙең халыҡ йырҙары яңғыраясаҡ. 

Концерт 19.00 сәғәттә башланасаҡ. «Башҡортостандың мәҙәни донъяһы» порталы