БР “Халыҡ мәҙәниәтен һаҡлау һәм үҫтереүҙә актуаль һорауҙар. Этнофутуризм-халыҡ мәҙәниәтенең перспективаһымы, әллә юҡҡа сығыуымы?!”тигән теманы асыуға арналған йәштәр мәҙәни-мәғариф семинар-фекер алышыу көтөлә. Сараны БР Халыҡтар дуҫлығы йорто ойоштора. Улар был сара менән йәштәрҙә ошо һорауға ҡыҙыҡһыныу уятыу һәм халыҡтар араһында үҙ-ара теләктәшлеккә килтерер диалог алып барырға өйрәтеүҙе маҡсат итеп ҡуя. Тағы ла, бөгөн, мәҙәниәттә глобалләшеү, стандартлашыу һәм унификация заманында, этник мәҙәниәттәрҙе һаҡлап алып ҡалыу ғына түгел, үҫтереү мәсъәләләре лә барланасаҡ. Мәҙәни-мәғариф семинар Өфө районы Ҡыҙыл яр ауылында 30 октябрҙә үтәсәк.