Педагог һәм музыкант Николай Пономарев иҫтәлегенә арналған Халыҡ-ара баянистар, аккордеонистар, гармонистар һәм рус халыҡ инструменттары ансамблдәре араһында конкурс-фестиваль уҙҙы. Конкурсты Рәжәп Шәйхетдиновтың мәрхәмәтлек фонды («Служенье муз») һәм Ф.Камаев исемендәге №2 һанлы балалар сәнғәт мәктәбе ойошторҙо. Өфө сәнғәт академияһына үҙҙәренең талантын күрһәтергә илдең төрлө төбәктәренән йөҙгә яҡын солист һәм 20 ансамбль килде. Жюри составында билдәле музыканттар, халыҡ артистары, мәҙәниәт хеҙмәткәрҙәре. Шулай уҡ музыканттың ҡатыны Пономарева Валентина Максимовна һәм улы Андрей Николаевич саранан ситтә ҡалмағандар.
Гран-при Урта махсус музыка колледжынан 3 кешенән торған ансамблгә бирелде. Өфөнән Тимур Сагатдинов, Айрат Ғәллиев, Орскиҙан Даниил Чариков, Артем Архиреев, Ҡаҙағстандан Тимур Абдикеев лауреат булдылар. Сығанаҡ: Өфө ҡалаһының Октябрь районы хакимиәтенең информация-аналитика бүлеге