Рәсәйҙең Оборона министрлығы Бөйөк Ватан һуғышы геройҙарының яҙмышы тураһында «Халыҡ хәтере» исемле интернет-портал асты. Бында теләгән һәр кем ата-бабаларының ҡаһарманлыҡтары йәки уларҙың яҙмыштары хаҡында мәғлүмәт туплай, документтарын табып, ғаилә архивын төҙөй ала.

Берҙәм мәғлүмәттәр базаһында шулай уҡ Беренсе һәм Икенсе донъя һуғыштарындағы юғалтыуҙар һәм һалдат-офицерҙарҙы бүләкләүҙәр тураһында документтар тупланған. Проект сиктәрендә яугирҙарҙың тыуған, һәләк булған һәм һуңғы хеҙмәт иткән урыны тураһында мәғлүмәттәр йыйыу, һуғыш геройҙарының яҙмышын бер епкә теҙеү буйынса ҙур эш башҡарыла.

Сығанаҡ: "Шоңҡар" журналы.