Салауат музыка колледжында халыҡ ижадын өйрәнеү мәсьәләләре буйынса «Халыҡ ижады шишмәләре» тигән Бөтә Рәсәй фәнни-ғәмәли конференцияһы дауам итә. Төп маҡсаттар тип Рәсәй һәм Башҡортостандың мәҙәни мираҫын һаҡлап ҡалыуҙы, уҡытыусылар араһында ижады бәйләнештәрҙе нығытыуҙы, уҡыусыларҙы фольклор сәнғәтенә өйрәтеү алымдарын камиллаштырыуҙы атайҙар. Сараны үткәреү урыны итеп Салауат юҡҡа ғына һайланмаған – бында бик күп билдәле коллективтар эшләй. Форум эшен бөгөн тамамлай.