«Халыҡ режиссеры» конкурсына заявкалар ҡабул итеү тамамланып 22 августан башлап Өфөнөң йәштәр театрында өс көн дауамында режиссерҙарҙың кастингы үткәрелә. Конкурста ҡатнашыусылар әңгәмәләшеүҙән тыш баһалама ағзаларына, бирелгән проблемаларҙы үҙ картинаһында ниндәйерәк юлдар менән асырға йыйыныуы тураһында һөйләп, үҙҙәренең ижади оҫталығын күрһәтергә тейеш. Еңеүселәргә «Булат Йосоповтың кино мәктәбе»ндә уҡыу өсөн 50 сертификат ҡаралған. Уларҙың сығарылыш эштәре ноябрҙә үтәсәк Авторлыҡ фильмдарының беренсе асыҡ фестивале программаһына индереләсәк.

«Башҡортостандың мәҙәни донъяһы» порталы