Әхмәтзәки Вәлиди исемендәге Милли китапханала Башҡортостандың халыҡ шағиры Ҡәҙим Аралбаевтың тормош һәм ижад юлына бағышланған биобиблиографик белешмә донъя күрҙе.

Белешмәлә 1963-2014 й.й. рус, башҡорт һәм татар телдәрендә баҫылған китаптар, йыйынтыҡ, гәзит-журналдарҙан мәҡәләләр исемлеге тупланған. Ҡулланма үҙ эсенә 900 яҡын библиографик мәғлүмәт йыйған һәм ул ике өлөшкә бүленгән: «Ҡәҙим Аралбаевтың әҫәрҙәре», «Ҡәҙим Аралбаевтың тормошо һәм ижады хаҡында әҙәбиәт».

Белешмә әҙәбиәтселәргә, фән эшмәкәрҙәренә, уҡытыусыларға, студенттарға һәм шағирҙың ижады менән ҡыҙыҡһыныусыларға бик кәрәкле буласаҡ. Баҫма менән Милли китапханала танышырға була.