Башҡортостан Президенты Указы менән “Аҡбуҙат” журналының тәүге баш мөхәррире, республика­быҙҙың Салауат Юлаев исемендәге дәүләт пре­мияһы лауреаты Факиһа Туғыҙбаеваға Башҡорт­остандың халыҡ шағиры исеме бирелде. Башҡорт шиғриәтендә, матбуғатта оҙаҡ йылдар фиҙакәр хеҙ­мәт иткән шағирәгә оло награда Яҙыусылар союзы­ның 80 йыллығына арналған юбилей кисәһендә тапшырылды.

Шуныһы айырыуса иғти­бар­ға лайыҡ: ошоға тиклем бер генә ҡатын-ҡыҙға ла был юға­ры исем би­релмәгән. Әҙи­бәгә ныҡлы һау­лыҡ, яңы әҫәрҙәре ме­нән әҙәбиәт һө­йө­ү­се­ләрҙе ҡы­уан­­ды­рып тороуын теләй­беҙ! 

Уҙған быуаттың 90-сы йыл­дар­ын­да­ғы ҡырҡыу сәйә­си ваҡиғалар үҙә­гендә, хал­ҡы­ның ялҡынлы патриоты булараҡ, Факиһа Ту­ғыҙ­баева ла алғы сафта торҙо. “Уян, халҡым!” шиғырында бына нимә тип яҙғайны халыҡ шағирәһе:

...Уян, халҡым! 

Йоҡоң йоҡо түгел, 

Ул — баҫлығыу, 

Ятыу баҫылып. 

Бәхетеңде һинең урлағандар, 

Дарға аҫып, бола баҫтырып... 

Минең оран яңы оран түгел, 

Ул бит Салауаттың ораны. 

Ул бит Вәлидиҙең 

Фарманы. 

Азатлыҡ, тип 

Йәнем баш күтәрә, 

Ҡара ҡандар 

Тулы бит уртым. 

Ваҡыт етте! 

Ғорурлығың ҡайтар, 

Бәхетеңде ҡайтар, 

Башҡортом! 

Был — илен, телен, халҡын өҙөлөп һөйгән шәхес йөрәгенән сыҡҡан илаһи был һүҙҙәр!

Сығанаҡ: "Башҡортостан" гәзите.