Рәсәй Президентының «Дәүләт социаль сәйәсәтен тормошҡа ашырыу өсөн күрелгән саралар» указына ярашлы, 22 февраль Ханты-Мансийск ҡалаһының «Кеше һәм тәбиғәт музейы»нда Башҡортостан Республикаһы Милли музейы фондының «Башҡорт халҡының материаль байлығы» тип аталған күсмә күргәҙмәһе эшләй башланы. Күргәҙмәгә килеүселәр башҡорт халҡының үҙенсәлекле мәҙәниәте менән таныша аласаҡ.
Тирмә ҡуйылған, уның эсе милли колорит менән һуғарылған йорт өсөн кәрәкле йыһаздардарҙан тора: төрлө төҫтәге балаҫтар, байрам таҫтамалдары, һандыҡ, ағастан һәм кейеҙҙән эшләнгән өй кәрәк-яраҡтары.
Күргәҙмәгә килеүселәрҙе милли костюмдар ҙур ҡыҙыҡһыныу уята. Шулай уҡ биҙәүестәр, биҙәү-ҡулланма сәнғәте әйберҙәре лә үҙенсәлеге менән айырылып тора. Сығанаҡ: БР Мәҙәниәт министрлығының мәғлүмәт хеҙмәте