Башҡортостан Республикаһы Президенты указдарына ярашлы, Хөсәйен Әхмәтов исемендәге Башҡорт дәүләт филармонияһының нәфис һүҙ оҫтаһы Донгузов Александр Анатольевичҡа — “Башҡортостан Республикаһының халыҡ артисы”, Арыҫлан Мөбәрәков исемендәге Сибай башҡорт дәүләт драма театрының драма артисы Сөнәғәтов Венер Рәшит улына, Хөсәйен Әхмәтов исемендәге Башҡорт дәүләт филармонияһының балет артисы Хажиғәлиева Лилиә Нурис ҡыҙына — “Башҡортостан Республикаһының атҡаҙанған артисы”, Әхмәтзәки Вәлиди исемендәге Милли китапхананың бүлек мөдире Мөслимова Ильвера Ислам ҡыҙына — “Башҡортостан Республикаһының атҡаҙанған мәҙәниәт хеҙмәткәре” тигән маҡтаулы исемдәр бирелде. Ҡотлайбыҙ һәм ижади уңыштар теләйбеҙ!