Бына нисәмә тиҫтә йыл рәттән Хөсәйен Әхмәтов исемендәге Башҡорт дәүләт филармонияһы сағыу концерттары, ҡыҙыҡлы кисәләре менән сәнғәт һөйөүселәрҙе ҡыуандыра. 

Һәр концертты тамашасылар ҙур түҙемһеҙлек менән көтөп ала тиһәк, бер ҙә арттырыу булмаҫ. Көтөп алмаҫлыҡмы ни! Көн дә тиерлек “зәңгәр экран”дарҙа балҡыған билдәле сәхнә оҫталарын яҡындан ҡасан күрерһең! Тап шундай сағыу йондоҙҙар балҡышын 1 октябрҙә филармониябыҙҙың Ҙур залында тамаша ҡылырға мөмкин, сөнки был көндә Башҡорт дәүләт филармонияһы 74-се концерт миҙгелен аса. Сағыу концертта халыҡ араһында киң танылыу яулаған артистар сығыш яһаясаҡ. Барлыҡ йырҙарҙың да тик “тере тауыш” менән генә башҡарылыуы күңелдәрҙе айырыуса елкендереп ебәрер. 

Сығанаҡ: "Башҡортостан" гәзите