1 март көнө Мәжит Ғафури исемендәге Башҡорт академия драма театры «Хыялый» лирик комедияһын талантлы актер, йырсы һәм режиссер Арыҫлан Йәнбәковтың яҡты иҫтәлегенә арнай. Салауат Әбүзәрҙең әҫәре буйынса был спектаклде А. Йәнбәков 2010 йылда сәхнәгә сығарғайны.

Таланты, башҡарған эштәре менән халыҡ һөйөүен яулап өлгөргән йәш режиссерҙың был донъяларҙан үтә иртә китеүе бик йәл, әлбиттә. Әммә уның үҙенсәлекле ролдәре, ҡуйған спектаклдәре әле һаман тамашасыһы күңелендә һаҡлана. «Хыялый» ҙа бит театр репертуарында үҙ урынын ныҡлы яуланы, халыҡтың яратҡан тамашаһына әүерелде.

Арыҫлан Йәнбәковты иҫкә алыу сараһына көтөп ҡалабыҙ һеҙҙе, дуҫтар!

Сығанаҡ: «Тамаша»